Naypyidaw

Ti Naypyidaw (Birmano:နေပြည်တော်, Nepranytau), opisial a nailetra iti Nay Pyi Taw ken Naypyitaw; panangibalikas [nèpjìdɔ̀], dati nga ammo a kas Kyetpyay, Pyinmana wenno Kyatpyay, Pyinmana) ket ti kapitolio a siudad ti Myanmar, ken ammo pay daytoy a kas Burma. Daytoy ket inadministro a kas ti Teritorio ti Kappon ti Naypyidaw babaen ti Batay-linteg. Idi 6 Nobiembre 2005, ti administratibo a kapitolio ti pagilian ket opisial idi a naiyalis iti saan a naipadur-as a daga iti 3.2 km (2.0 mi) iti laud ti Pyinmana, ken agarup a 320 km (200 mi) iti amianan ti Yangon (Rangoon), ti dati a kapitolio. Ti opisial a nagan ti kapitolio ket nairangarang idi 27 Marso 2006, ti Aldaw dagiti Pursa ti Myanmar. Daytoy ket immuna a nagbalin a kapitolio ti Myanmar kalpasan iti maysa a dekada, idi inkeddeng ti gobierno nga iyalis ti kapitolio manipud iti Yangon (ammo pay a kas Rangoon) nga awan unay iti pakaammo. Kaaduan daytoy a naplano a siudad ket agdama pay laeng a mabangbangon, ken naikeddeng nga agrup a malpas intono 2012.